DOMENIE AI 12 DI LUI 2015

Continuant une autonome tradizion movimetâl partide ancjemò tal 2000 e rispuindint al invît rinovât ogni an dal prevost dal Domo di Udin, bons. Luciano Nobile, la sorestanzie dal Moviment Civic Culturâl Alpin-Adriatic dal Fogolâr Civic e dal Circul Universitari Furlan de Academie dal Friûl, sot dal prof. Alberto Travain, e à mandât ai 12 di Lui 2015 te glesie maiôr de capitâl furlane une delegazion cun bandieris di clape a la Sante Messe dai Patrons udinês ven a stâi i Sants Macôr e Fortunât, martars prins di Aquilee protetôrs di dute la regjon dal Friûl Vignesie Julie e di tancj altris teritoris che une volte a jerin cul grant Patriarcjât aquileiês. La delegazion, guidade dal gjeom. Sergio Bertini, e jere formade dai banderârs sioris Celotti, Cremasco, Deana, Tosolini; dai conseîrs dot. Carlo Alberto Lenoci e dot.e Maria Luisa Ranzato e po, pal grup dai simpatizants, de siore Mirella Valzacchi.